Occitan

(Motlage – l’original de marme blanc demora dins las coleccions del musèu de Besièrs)

Aquela estatua d’epoca romana es uèi encara emmentelada d’un mistèri bèl : sabem pas qual representa, tant mai que l’original a perdut lo cap ! (una causa de remarcar : lo cap qu’avem tornat ajustar es pas proporcionat…)

La postura classica e mai la tòga fan pensar à una representacion imperiala ; benlèu aquela estatua seriá Octava-August, fondador de la colonia de Besièrs en -36.

L’estatua es mencionada en 1348 jos l’escais de P. Pézuc, que poiriá venir d’una inscripcion romana, al jorn de uèi desapareguda.

Amb aquò se mescla tamben lo nom del valorós capitani Montpézuc que, al gròs de la guèrra de Cent ans, auriá engardar lo Prince negre de dintrar dins la ciutat.

Devengut aital l’allegoria locala del coratge e de la resisténcia contra l’envasidor, Pépézuc serà adulat per la tropelada biterrenca del temps de las festas de Caritats al Sègle XVII.

Mas benlèu Pépézuc seriá pas qu’un escais ligat à l’expression occitana « Pè pezuc », que designa un garrèl. Verai que li que manca una camba lo paure Pépézuc !

foto :

L’estatua sus son emplaçament de davans 1898, al 7 de la carrièra drecha (uèi carrièra francesa).

© coll Musèus de Besièrs