Occitan

Pèire-Paul Riquet, fondador del Canal de las doas mars – que se farà Canal del Miejorn en 1789- es nascut a Besièrs en 1609.

En 1838, lo projècte d’erigir una estatua a sa memòria es lançat per la Societat arqueologica e mai la ciutat de Besièrs. Lo travalh sus l’estatua es fisat a David d’Angers, prètz de Roma.

L’estatua de bronze representa Pèire-Paul Riquet, de pè sus lo roc de Naurosa, descobrissent lo partatge de las aigas. Son agach es virat cap a l’oest, cap a son canal que religa tre 1680 l’ocean Atlantic e la mar Mediterranea.

L’inauguracion del monument, lo 21 d’octobre 1838, es l’escasença de tres jorns de festas somptuosas : dansas localas, concors de poesia en francès e en lenga d’Oc, remembrança de las festas de Caritats, passa-carrièras corporatius, balètis de nuech…

La soscripcion publica organizada per la Societat arqueologica de Besièrs, per finançar l’estatua, es una capitada bèla. Mai de 50,000 francs foguèron acampats ; aquò entretenguèt longtemps la legenda d’un trésaur amagat dins lo sòcle de marme...