Occitan

En 1238, los cònsols de Besièrs crompan l’ostal de familha Ermengaud per tal d’installar dedins un ostal comun.

Del sègle XIV al sègle XVI, d’aquisicions successivas permeton l’agrandiment de l’ostal, e la creacion de salas. La plaça davant es pavada, e se bastís una torra dotada d’una campana e mai d’un relòtge.

En 1728, Rollin, Arquitècte de la Província, prepausa un projècte grandiós amb dos vaissèls d’estil classic ensarrant un campanal novèl. Sonque lo campanal serà realisat a l’entorn de 1745. Uèi, es una dintrada majestuósa per l’ostal de la comuna que s’estira darrièr.

Unas annadas aprèp, l’edifici abriga debàs los tribunals de patz, e denaut una bèla sala de concèrt.

Un agrandiment novèl, al mitan del sègle XIX, permet l’installacion d’un musèu, d’una bibliotèca, dels pompièrs e mai d’una escola comunala.

Al jorn de uèi, aquel edifici abriga pas que de servicis de la comuna, et la sala de concèrt s’es tresmudada en sala del conselh de la comuna.