Occitan

Imposanta e fortificada, la catedrala Sant-Nazari & Sant-Celse es totjorn nomenada « catedrala » encara que Bésièrs siague pas pus la residéncia d’un avescat dempuèi la Revolucion. La bèla catedrala senhoreja la ciutat tota, que n’es lo simbòl.

L’edifici actual foguèt bastit a l’endrech d’un un temple roman, puèi d’una glèisa d’estil romanic, obra del mestre Gervais, destrusida al temps de la Crosada.

La reconstruccion debuta tre 1215. De vòltas goticas son bastidas sus las roïnas de las muralhas romanicas, e forman un bastiment bèl : 14m de larg, 50m de long, e un crosièr de 33m. Un còr esclairat de nòu vèirièras es apondut à l’èst, e à l’oest, se bastís una faciada defensiva, amb doas torres religadas d’una machacoladura, e en arrièr doas autras torres de gach, redondas e emmerletadas. Una torre-cloquièr carrada de 48m de naut, acabada al sègle XV, e una sacrestia de la meteissa epòca, completon l’edifici.

Al dessús de la pòrta de dintrada, lo lintèl de fusta évoca lo martiri de Nazari e de Celse son discípol.